هرتلة

سؤال

انتى السهر ...0

على ضى قلبى المكتمل

سهم اترسم

أو ضلع تايه من زمان منى أنا

حاول يكون يوم مبتسم

انتى العذاب المحتمل

انتى الصحاب الغدارين

وانتى الصحاب الأوفيا

انتى ورد وليل بنفسج

أو ورود بيضة ونقية

انتى قهوة كتير زيادة

أو ساعات سادة وغبية

لو تحسى بعمرى رايح

أو تحسى بعمرى جاى ..

انتى ضى فـ قلبى لكن

يوم مصِّر يكون غميق

برد..

ليل ..

عتمة وغريق

بدر ليلك ليه حزين ؟

ليه ضلوعك مش وفية ؟!0

مشهد ميلودرامى

وببص كتير مـ الصورة ألاقيك واقف قدامى

هنااااااااااك

فى الكادر العتمة المتدارى

تتأمل عينى

أو شبح البسمة المرسوم -رافض يعلنلك بصراحة كل الأشواق- 0

وتقول ياخسارة

كان نفسى فى دمعة تجملها

من قبل ما تعلنها وتمشى

" السكة فراق "

للمرأة السمراء " أم عيون عسلى حزينة"0

بحلم يامصر

والحلم ورقة شجر .. صابها الخريف بالليل

بحلم وقلبى خزين ..0

للذكريات والهم

وانتى يامصر الرحىَ

تُبدر سنابلى لـ غم

وانتى يامصر العطش

جوة فـ صحارى الحلم

بحلم وانا مضطر

أشرب فى بير من ملح

عُمر الكريم ما انضام

بس فـ شفايفك جرح

كيف أرتوى منها

وانتى نزيف لهموم

وانتى يامصر العطش

وانتى دموع فى الفرح

عن الولد ال-مش- فارس

قلبى الصموت فيه حوا كانت من زمن

ماهى ضلع منى

معوج ولكن عوجته هى الحياه

مانا أصلى عاشق من زمن

تفاحتى تشهد عالهوى ..

وسنين بتفرد حزنها

على أرض أنشف مـ الحجر

عشاق كتير شربوا المرار

وأنا كنت منهم

نص فارس

مالهوش جناح

كان نفسه يوصل للقمر

لو حتى ساعة

من مرحلة ما بعد الإكتئاب

يمكن جنون ..

انى أكون رافض أوى

للمعجزات أو للروتين

انى أكون بضحك أوى

على ضحكة هبلة من عيونها

على كل حبات الحنين

يمكن جنون !0

الولد- اللى من كوم أبو شيل- قلتله انت موجود هنا

انت الطريق ..

جواه مطر

والبت ماسكة مشبكة ..فى ايدين حبيبها المنطوى

وتقوله نجرى

يقول: يابت الناس عيون وبتنتوى ..0

جرح القلوب

والجرح زى الشاى غمييييق

ماليان مرار

وقلوبنا رمل بيتفرش فوق الزمن

وزماننا عمره ما بلّ ريق

حتى الطريق

حتى الطريق رافض عمار