7/4/2009 الثلاثاء
5/4/2009 الأحدبتسالنى يعنى ايه حب بتسالنى وخايفه اقول كلام علمى مش مهم بس الاهم انى باختصار بشعر بحنين ومسؤلية وولع وقرب وبحب اضحكواهرج وابكى معكى مش مهم اى تعريف المهم بشعر معكى بانحياز وانتماء وتواصل وبشوف فيكى تفاصيل الحياة وتاريخى وبشوف طفولتى وجنانى وبشوف انسان انسان وبس مسالتنيش ليه بتبص لعنيا كده بشوف المعانى اللى مش ببتقال وبشوف اللى ورا العيون بشوفك يا هدىقليل احس بمسؤلية تجاه بنت مش بمعنى انه محصلش لا حصل بس بشكل مختلف بتسالينى وتقولى ايه معنى الحب معرفش بس ده اللى بيحصل زى ديما اقولك معرفش احكى قصص بقرا قصص وبشوف حواديت الناس كل يوم بس معرفتش "ولاه مرة احكى ليكى حدوته معرفش ايه هو ده بس بيحصل
كنت محتاجة أبقى واثقة فى نفسى وراضية فعلا ،، كنت محتاجة ألملم نفسى من تانى ، كنت محتاجة أقول ومخافش منى ومنك ومن الناس والحياة والموت وكل شىء عشان أقول انى بحبك ، ان قلبى بيدق وهو بيحس بيك ، الاحساس اللى كنت متخيلة انى مش هحسه أبدا
كنت محتاجة اعرف انك حب حقيقى وقلب عمرى ما شفته قبل كدة
مش بكتب ده للناس بكتب ده عشان لو أطول أقول للدنيا كلها هقول حياتى معاك بدموعها وضحكها وزعلها ووجعها وفرحها والحواديت اللى كل مرة لازم أقولك تحكيهالى وتقوليى مشش عارف والحواديت اللى بكتبهالنا وأدم وفيروز عيالنا حتى ريم وعزةوالمحيط وشقاوتك ومعيلتك وحدتك وطيبتك وعقلك وتفهمك
بسألك يعنى ايه حب ؟ وخايفة تقوللى كلام علمى
بسألك وانا حاسة دلوقتى انى بحبك أيا كان يعنى ايه حب
بحبك وانا راضية ، وحاسة بسلام نفسى محستهوش قبل كدة
عارفة انى تعبتك معايا بقالى 6 شهور وانا بحكى معاك عشان أعيط لحد ضحكتك وبراءتك وبراءتى وعنيك اللى بشوف فيها اللى جوايا بتشوفه وتحسه تلمسه وتسكت
"
