(1)
ولأنى عنيت ..
أيام الشقا صبغت فى الروح ألوان باهتة
الروح بتبوح
بكا
وهزار
وحكاوى
عن بنت بريئة ماليانة احلام
العين سودة
وسمارها نسيم بيهز القلب
الشَعر جدايل مصلوبة على كتف هزيل
،مهواش ناعم
وماهيش حلوة زى الحواديت ،
لكن بنت ،
مليانة غناوى وعند وطيبة
أتحدى الكون يوم ولادتها ،انه محسش رعشة
تشبه رعشة أول بوسة كات عالأرض
ولأن البنت كانت بنت
ولأن قدرنا نكون ملّين كل التابوهات
ونكسّر فى حواجز تخنق
ولأن الناس صنعمـ مـ الدنيا مشهد رعب،
ألوان حمرا، سوااااااااااااااد،
دراكولا بقى فيه أودع بكتييير من أفلام هوليود
مرت بالسكة الطبيعية
"أوجاع ..واحزان مغروسة
واليأس ..آآآآآآآه، ملعون اليأس "
ولأنى بحب الحواديت
كان فيه روميو معهوش سيف وحصان
وفـ قلبه طفولة وحزن ، وبنات ياااااااما
وأفكار من نار تخلق جنة مفهاش أحزان
....
جوليت البنت هتفضل بنت
والواد اتعفرت مالايام
صبحم حبيبين "واشهد يازمان
1 اللى علقولى:
ولو إن قدر البنات إنهم يكونوا ماليين كل التابوهات
برافو برافو برافو
حكمة رائعة وحقيقية جدا
Post a Comment